সেই খিনিতে ঠাই অকণমান উলিয়াই মানুহ জনে বেগটো থলে ।লৰাটোৱে ৰামানুজ লৈ চাই সুধিলে,
--আঙকল ,ৰেজিষ্ট্ৰেছন কত কৰিব লাগিব ?
--তোমালোকৰ লগত হ'ম ষ্টেটৰ পৰা ৰেফাৰ কৰা কাগজ পত্ৰ আছে নেকি ?
--নাই নাই আমাৰ লগত ৰেফাৰ কৰা কাগজ পত্ৰ একো নাই । কিন্তু নাৰ্চিং হোমত ট্ৰিটমেন্ট কৰা প্ৰেছক্ৰিপশ্বন আৰু টেষ্ট ৰিপৰ্ট বিলাক আছে ।
--কৰ নাৰ্চিং হোম ?
--ৰাচীৰ । মানুহজনে উত্তৰ দিলে ।
--সেই যে কম্পিউটাৰ কেইটা আছে, তাৰে যিকোনো এটাত অন লাইন ৰেজিষ্ট্ৰেছন হব ।তুমি পাৰিবা নহয় ? ৰামানুজৰ কথাত লৰাটোৱে মূৰ দুপিয়াই শলাগিলে ।
--যোৱা চোন অকণমান দেখোৱাই দিয়া । দিপ্তীযে কৈছিল ।
দিপ্তীযে ইতিমধ্যে মহিলা গৰাকীকো নিজৰ কাষতে বহি বলৈ ঠাই অকণমান উলিয়াই দিছে । পৰিবেশ পৰিস্থিতি তকৈ ডাঙৰ শিক্ষক আৰু একো নাই । দিপ্তীযে ইতিমধ্যে হিন্দী বুজি পোৱা হৈছে আৰু কবলৈও পাৰিছে অলপ অলপ ।
লৰাটোৱে কম্পিউটাৰ ভালদৰেই চলাব পাৰে ।অকণো অসুবিধা নোহোৱাকৈয়ে ৰেজিষ্ট্ৰেছন কৰি
পেলালে । সেই কণ সময়তে কথা বতৰা পাতি ৰামানুজে গম পালে সিহঁত ঝাৰখণ্ডৰ পৰা আহিছে । দুমাহ মানৰ আগৰ পৰা ছোৱালী জনী পেটৰ বিষত ভূগী আছিল । ঘৰৰ ওচৰৰ হস্পিটেলত দেখুৱাই থাকোঁতে কিছু দিন গল ।।আৰাম নহলত লৈ গল ৰাচীৰ এখন নামজ্বলা নাৰ্চিং হোমলৈ । তাতেই ধৰা পৰিল বেমাৰটো । ছোৱালী জনীৰ পাকস্থলীত কেঞ্চাৰ । ষ্টেজ থ্ৰি ।সিহঁতে আৰু ৰৈ নাথাকিলে । টকা পইচা গোটাই চিধাই টাটা লৈ গুছি আহিল ।
আকৌ সমস্যা । মুম্বাইত কেঞ্চাৰৰ চিকিৎসা কৰা হস্পিটেল ভালেমান আছে । কোনোবাই প্ৰিন্স আলি খানত ট্ৰিটমেন্ট কৰি আৰোগ্য হৈছে ' কোনোবাই কোকিলা বেনত । আন কোনোবাই আকৌ লীলাৱতী
হস্পিটেলত । নিজে চিকিৎসা কৰা খনকে সবেই ভাল বুলি কবলৈ বিচাৰে । চাহা উপাধিৰ এই পৰিয়ালটোক যেনিবা ৰেলত আহি থাকোতে এজন ভদ্ৰলোকে লগ পালে । সেই মানুহ জনে তেওঁলোকক টাটাত ট্ৰিটমেন্ট লবলৈ পৰামৰ্শ দিলে ।টাটা এখন হস্পিটেলেই নহয় । গবেষণা প্ৰতিস্থানো ।তেওঁলোকেৰ উদ্দেশ্য ই হল এখন কেঞ্চাৰ মুক্ত পৃথিৱী সৃষ্টি কৰা ।
ছোৱালী জনীৰ নাম চৰিতা । লগত অহা মহিলা গৰাকী তাইৰ মাক । পুৰুষ দুজনৰ এজন তাইৰ দেউতাক , আনজন লৰাটোৰ দেউতাক ।
--তেওঁলোক তোমাৰ কি হয় ?
--চাচা মোৰ চাচা হয় । ৰামানুজৰ কথাত টপৰাই উত্তৰ দিলে লৰাটোৱে । অন্ লাইন ৰেজিষ্ট্ৰেছন কৰাৰ পিছত কাউন্টাৰত গৈ কাগজ পত্ৰৰ কাম কৰিলে । ৰামানুজেও লগে লগে থাকি লৰাটোক সহায় কৰি দিলে । চৰিতা চাহাৰ নামত ফাইল হল । ফাইল নম্বৰ হল চি.এম. 9041 ।
ৰামানুজ আচৰিত হল । সিহঁতে ফাইল খুলি ছিল ফেব্ৰুৱাৰী মাহৰ পছিশ তাৰিখে । চি.এল.5484 । প্ৰতি পঞ্চাশ হেজাৰৰ পাছত চিৰিয়েল কোড সলনি হয় । ৰোগী ইমান বাঢ়িছে যে চি.এম আৰম্ভ হৈ গল ।
হোমিভাবা বিল্ডিংত ট্ৰিটমেন্ট কৰা খিনি প্ৰাইভেট ৰোগী । জেনেৰেলৰ কথা বাদেই । তাত ৰোগীৰ সংখ্যা আৰু
বেছি ।
ৰামানুজে লৰাটোক ই-কাৰ্ড কাউন্টাৰলৈ লৈ গল । টাটা হস্পিটেলৰ সকলো লেনদেন ই-কাৰ্ড ৰ জৰিয়তে হয় । ইয়াত নগদ টকা কোনেও নলয় । লব নোৱাৰে । ডাক্তৰৰ ফীজৰ পৰা ঔষধলৈকে সকলো লেনদেন ই-কাৰ্ড তহে হব ।
ই-কাৰ্ড ত ৰোগীৰ ফটো লাগে । লৰাটোৱে গৈ ছোৱালী জনীক ধৰি ধৰি লৈ আহিল । বিষৰ কাৰণে বেচেৰীয়ে পোন হৈ খোজকাঢ়িব ও পৰা নাই ।
এই আঙকল জন অসমৰ পৰা আহিছে । খুব ভাল মানুহ । মোক সহায় কৰি আছে ।
লৰাটোৱে ছোৱালী জনীক ৰামানুজৰ লগত চিনাকি কৰি দিলে । চকুৱে মুখে যন্ত্ৰণা লৈয়েই তাই ৰামানুজ লৈ চাই হাঁহি এটা মাৰিলে । কষ্টৰ হাঁহি ।
আগলৈ••
📝ভৰত ৰাজখোৱা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ