বন্যাৰ্তৰ কথাৰে

আমাৰ ঘৰ-বাৰী সকলোবোৰ

নৈৰ বুকুত জাহ গ'ল

কেতিয়ানো বান আহিল আমি 

গমেই নাপালোঁ।

আমি কেনেবাকৈ নিজৰ প্ৰাণ বচাই

এই ওখ ঠাই ডোখৰ পালোঁহি

হাতত একো এটা বস্তু আনিবও 

নোৱাৰিলোঁ।

আমাৰ এতিয়া থাকিবলৈ 

ঘৰ খন নাইটো নাইয়ে বাৰু 

খাবলৈয়ো একো এটা নাই অ'

সকলো শেষ হৈ গ'ল,

ল'ৰা ছোৱালী কেইটাৰ চাগে

বৰ ভোক লাগিছে 

দুদিন ধৰি সিহঁতেও একো এটাকে 

মুখত দিবলৈ পোৱা নাই

শুৱলৈ পোৱা নাই,

অনিদ্ৰা অনাসাৰে কটাইছে

বান বিভীষিকাৰ এই নিষ্ঠুৰ সময়।

আমাক সহায় কৰক 

আমাক কিবা এটা খাবলৈ দিয়ক

নহ'লে আমি আৰু নাখায়-নবয়

জীয়াই থাকিব নোৱাৰিম

সকলো এনেকৈয়ে মৰিম।

                        

✍️অজয় ৰবিদাস