নুমলীগড় পিঠালি পুখুৰীৰ ৰহস্য উদঘাটন (খণ্ড-০২)

 প্ৰায় ডেৰশ মান বছৰৰ আগৰ কথা পিঠালি পুখুৰীত সাতভনীয়ে বসতি কৰিছিল  আৰু সাতখন সোণৰ মুদ্ৰা আৰু বাচন বৰ্তনেৰে ভৰা কলহ আছিল ৷ কলহ কেইটাৰ ৰক্ষক আছিল স্বয়ং নাগ দেৱতা ( ছয় সাত ফুট দীঘল সাপ ) নাগৰাজ কলহকেইটা নিজৰ পিঠিত লৈ পিঠালি পুখুৰীৰ পৰা ধনশ্ৰী পাৰলৈ নিতৌ ৰাতি সময়ত বিচৰণ কৰিবলৈ গৈছিল ৷ পিঠালি পুখুৰীৰ আন এটা চমৎকাৰ হ'ল পুখুৰীৰ পাৰত থকা আঁহত গছৰ সৈতে এটা সোণৰ নাও বন্ধা আছিল ৷ নিজান সময়ত এহাল দম্পতী গছ জোপাৰ পৰা প্ৰকট হৈ ভোগ ক্ৰিয়া কৰি আকৌ গছতে বিলীন 

হৈ গৈছিল ৷

জনবিশ্বাস মতে সেই সময়ত নুমলীগড় চাহ বাগিছাত যদি কাৰোবাৰ ঘৰত বিয়া , সকাম আদি পাতিলে অনুষ্ঠানৰ আগদিনাখন চাকি ধূপ আৰু তামোল পাণ এযোৰা লৈ পিঠালি পুখুৰীত গৈ সাতভনীক নিমন্ত্ৰণ জনাইছিল গৃহস্থই  ৷ সাতভনী এই নিমন্ত্ৰণ ৰক্ষা কৰিবলৈ সোণৰ বাচন বৰ্তন, সোণৰ মুদ্ৰা আদি পুখুৰীৰ পাৰত থৈ দিছিল ৰাতিপুৱা গৃহস্থই গৈ সামগ্ৰীখিনি লৈ আহিছিল আৰু অনুষ্ঠান শেষ হোৱাৰ পাছত পুনৰ সামগ্ৰীখিনি নি পুখুৰীৰ পাৰত থৈ 

আহিছিল ৷ কবলৈ গ'লে কাম হোৱা পাছত উভটই দিয়া এক নীতি আছিল ।কিন্তু কয় নহয় মানুহতকৈ সন্ত কোনো নাই আৰু মানুহতকৈ দুৰ্দান্ত কোনো নাই ।এদিনাখনৰ কথা জগত ওৰাং নামৰ মানুহ এজনে সোণৰ সামগ্ৰী সকামত নি উভটাই নিদিলে ৷ জগতে সোণৰ লোভত সাতভনীৰ সামগ্ৰী উভটাই নিদিয়াৰ ফলাফল ভুগিবলগীয়া হ'ল ৷ স্থানীয় ৰাইজৰ মতে জগতৰ গোটেই বংশ সাতভনীৰ প্ৰকোপত পৰি শেষ হৈ

 গ"ল ৷ তেতিয়াৰ পৰাই সেই স্থান ত্যাগ কৰি অন্য কোনোবা স্থান লৈ গুচি গ'ল ৷ এইয়া আছিল পিঠালি পুখুৰীৰ সোণৰ কলহৰ কাহিনী ৷ 

বৰ্তমান পিঠালি পুখুৰীৰ মূল অংশ হাবি বনেৰে ঢাক খাই আছে ৷ চান্দমণি নামৰ মহিলা পুজাৰী গৰাকীয়ে সৰুৰেপৰাই পিঠালি পুখুৰীত পুজা অৰ্চনা কৰি আছে আৰু বৰ্তমান তেখেতৰ বয়স পঞ্চাশ বছৰ মান হৈছে ৷

এই কিছু বছৰৰ আগৰ কথা নুমলীগড় পঞ্চায়তৰ বৰ্তমান সভাপতি শ্ৰী অনন্ত কছাৰী দেৱে নিৰ্বাচনৰ আগতে পিঠালি পুখুৰীত পুজাভাগ আগবঢ়োৱাৰ ফলত তেওঁ নিৰ্বাচনীত জয়ী হৈছে বুলি নুমলীগড় চাহবাগিছাৰ নিবাসী শ্ৰীযুত লালা চিকাই ব্যক্ত কৰে ৷ এতিয়া প্ৰশ্ন  হ'ল আজিৰ দিনত কি সচাকৈয়ে এনেকুৱা ধৰণৰ দিব্য ঠাই আছে ? কি সঁচাকৈয়ে পিঠালি পুখুৰীত পুজা কৰিলে মনোবাঞ্ছা পুৰ্ণ হয় এয়া এক জটিল কথা ৷


📝দুলাল ৰবিদাস

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send