জনজাতীয় ৰাভাসকলৰ গীত মাত বগেজাৰী-০৬

যোৱাসংখ্যাৰ পিছৰ পৰা
     জনজাতীয় চিত্র একোটিও বগেজাৰী গীতত পোৱা যায় | হাবি জংঘলৰ মাজত বাসকৰা জনজাতীয় লোক সকলে বহুতো বনৰীয়া জন্তু সন্মুখীন হ'ব লগীয়া হয় | মতা মানুহৰ অনুপস্থিতিত তিৰোতাই কেতিয়াবা হাতী খেদিব লগীয়া হয় | তেতিয়া এজনীয়ে আন এজনীক সতৰ্ক কৰি দি এইদৰে কয়---
       চাবি  অ'  চাম্ফালি 
         হাতী উজাই যায়
      কুবাবাকে   খুজিলুং
         চিপ্ বাৰী  নাই  |
  অসমীয়া সমাজত কাপোৰ বব নজনা গাভৰুৰ সমাদৰ কম | মহাত্মাগান্ধীয়েও বব-কাটিব অসমীয়া গাভৰুৰ বিবাহ হোৱাটো কঠিন বুলি মন্তব্য কৰিছিল | ৰাভা তিৰোতা বা ছোৱালী সাধাৰণতে বোৱা-কটা , ধান ৰোৱা কটা আদি বিষয়ত নিপুণ | ভাল ধৰণে বোৱা-কটা নজনা বা ফুল বাচিব নজনা তিৰোতা বা ছোৱালীয়ে আক্ষেপ কৰে | 
     অব  গছৰ  তব
      অব  গছৰ  তব
   এৰা গাছৰ কাটিলি শাল
      বুবা পাৰিম হ'ব |
   গোৱা লাঙি দ'হ
    তাঁতৰ খুটা কাটি দি 
     বুবা জানাং হ'ব |
   বগেজাৰী গীতৰ সুৰত নাচিব জনাটো সৰহভাগ ৰাভা তিৰোতা বা গাভৰুৰ স্বভাৱ | উচব পাৰ্বন , নাইবা অন্য কোনো ৰঙৰ পৰিবেশত ৰাভাৰ মতা তিৰোতাই নাচগান কৰে | বগেজাৰী গায় নাচে  | কোনো তিৰোতা বা গাভৰুৱে মনৰ জোখাৰে নাচিব নেৱাৰিলে আক্ষেপেৰে কয়-----
      ধুম্  টুক্  টুক্ টুক্
          গছৰ  আগিলি
     নাচিবাকে  নাজানং
          থৰেং  পাগিলী  | আগলৈ.....

      ✏️হেমেন  হাজৰিকা

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send