সিদ্ধান্ত (অণুগল্প)

হাতত ম’বাইলটো লৈ একান্তমনে গেম খেলি খেলি বাহিৰলৈ ওলাই অহা পলাশক দেখি পথাৰৰ পৰা আহি বাৰাণ্ডাতে পকা কঁঠাল আৰু পিঠাগুৰিৰে সৈতে ৰঙা চাহ এবাতি খাই থকাৰ পৰাই দেউতাকে সুধিলে-"বোপাই অ’ ! নেটপেকটোৱে আৰু দুদিন যাবনে বাৰু ? মালিকে দুদিনৰ পিছতহে পইচা দিব পাৰিব হেনো ৷ তোৰ আকৌ অনলাইন ক্লাছ্ কৰিবলৈ অসুবিধা হ’ব নেকি?যদি হয় বেলেগৰ পৰাই ধাৰলৈ আনি দিম ৷তই ভালকৈ পঢ় ''৷দেউতাকৰ ৰ’দে পুৰা  পিঠিখন আৰু ওপৰচকুৱাৰে ভৰ্তি হৈ থকা ভৰি দুখনলৈ চাই সি সিদ্ধান্ত ল’লে আজিৰ পৰা সি আৰু গেম খেলি সময় নষ্ট নকৰে , অনলাইন ক্লাছবোৰ নিয়মীয়াকৈ কৰিব আৰু আগন্তুক মেট্ৰিক পৰীক্ষাত ভাল ৰিজাল্ট কৰি দেউতাকক সুখী কৰিব ৷ তাকে ভাবি পলাশে কোনোদিনে ক্লাছ নকৰা শইকীয়া ছাৰৰ গণিতৰ অনলাইন ক্লাছ কৰিবলৈ বুলি বহী-কলম লৈ টেবুলত বহিল ৷

🖋️পূৰৱী তামুলী বড়া
    শিৱসাগৰ ৷

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send