আহিন আহে সংগোপনে

শাওণৰ বোকা বাটে আহিন আহে সংগোপনে,
শুভ্ৰ কুঁৱলীৰ সুকোমল চাদৰৰ আঁচল টানি
গাভৰু পথাৰ খনে ৰিঙিয়াই মাতে।

আশাৰবোৰে দুচকুত হেঁপাহৰ ছবি আঁকে ,
সেউজীয়া ৰিহা পিন্ধা বুকুত পদূলিত আজি
সোণালী আঘোণে অগা-দেৱা কৰে।

নিজান ৰাতি নদীত গা-ধুৱে ৰূপহী জোনে,
শেৱালীৰ সুবাস সনা সেমেকা বতাহজাকে আহি
উতনুৱা ফাগুনক উঁকিয়াই মাতে।

শোকৰ শিল এটি বকুত বান্ধি পিতাই শেতেলীত সাৰে থাকে,
দুখৰ সীমনাত আকাশী সুখৰ আলাপ কৰি
আইয়ে মোৰ এচেৰেঙা ৰ'দৰ সপোন দেখে।

আহিন আহে সংগোপনে…।

✍️প্ৰবীণ দত্ত,শিৱসাগৰ

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send