বেদনা

©Admin
0
                           
হৃদয় যদি বেদনা হয়
  মায়া মানেতো যাতনা
    মই কিয় যে বিচাৰিছো
       দুখৰ সাগৰত তোমাৰ বতৰা ।

সন্ধিয়াৰ এন্ধাৰে মনে মনে মোক ক'লে
  কিয় আৱেগেৰে মৰম যাঁচিব লাগে
    পাহৰি যোৱা আগৰ স্মৃতিবোৰ
      হৃদয়ৰ পছোঁৱাজাক ধুমুহা
        ধুমুহা হৈ মোৰ কাষলে আহিছিল ।

কিয় বুজিব নোৱাৰিলা আশাৰ প্ৰতিশ্ৰুতিবোৰ
  বুকুভৰা মৰমবোৰ অচিনাকী হ'ল
     মই যেন নিবিড় নীৰৱ নিশাৰ
        এন্ধাৰত নোহোৱা হৈ গ'লো ।

মনৰ পদূলিত নিতৌ গধূলি কি হয় জানা
  মই তোমাৰ সুৰভি পাওঁ
    তোমাৰ সুবাস পাওঁ
      জীৱনৰ যাতনা পাহঁৰিয়ে যাওঁ
        আনৰ কটুকথাও শুনিব পাৰো ।

কিন্তু মই যে তোমাৰ বেদনা সহিব নোৱাৰো
  হিয়া ক'লা পৰি যায় ও
    সচাঁকে হৃদয় বেদনা আৰু
      প্ৰেম মানে যাতনা
         তথাপি তোমাক বিচাৰো
            দুখৰ সাগৰত, নীলা আকাশত ।

       
  ✒️পৰিষ্মিতা তালুকদাৰ
         নলবাৰী
                

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)