মোৰ ত্যাগ

মই দি গ'লো কলিজাৰ তেজেৰে লিখা

 মোৰ কবিতা, মোৰ গান ৷

   মাথোঁ তোমাৰ নামত

 তোমাৰ ভালপোৱাৰ নামত ৷

    পদূলি শুৱনি কৰি ফুলনি সঁজোৱাৰ নামত

     মই দি গ'লো মোৰ শব্দৰ পুলি,

      মাথোঁ তোমাৰ মৰমৰ নামত ৷

       মুক্তিৰ প্ৰৱাহ বোৱাই দিবলৈ

         মই দি গ'লো মোৰ মৰম ।

মানুহে কয় প্ৰেম এবাৰহে হয়

 কিন্তু মই তোমাৰ চকুলৈ

  যেতিয়াই চাওঁ তেতিয়াই প্ৰেম হয়;

    ক'ত যে সপোন লৈ জীয়াই আছো

     আমাৰ বিয়া হ'ব..

তাৰ পিছত

      লাহে লাহে আমাৰ জীৱনলৈ

        আহিব ন আলহী ।

তোমাক লৈ বহুত আশা কৰো মই

 কিয় নাজানো, তুমি মোক একো দিব নালাগে ৷

  নকওঁ মই তুমি মোক জোন,তৰা

   আনি দিয়া বুলি

    মাথোঁ লাগে তোমাৰ সঁহাৰি ৷

     জীয়াই থকাৰ প্ৰেৰণা তুমি

       তোমাৰ অবিহনে মই একো নহয় ।

       ✒️পৰিস্মিতা তালুকদাৰ

           নলবাৰী