মহিষাসুৰ মৰ্দিনী দুৰ্গা

মহালয়াৰ শাৰদীয় আগমনত 

শৰতৰ শাৰদীয় সুবাস আকাশে বতাহে ,

হে দেৱী দুৰ্গা ,

তোমাৰ আগমনত -

বৰষাৰ গীতটো শেষ হৈছে মাথোঁ ,

তোমাৰ আগমনত -

পদ্ম ফুলবোৰে হেঁপাহত হাঁহি উঠিছে,

তোমাৰ আগমনত -

শেৱালিজোপাই নিয়ৰৰ মণি-মুকুতাৰ 

মালা পিন্ধি উলাহতে সাজিছে কাচিছে ,

শৰতৰ কোমল পৰশ হৃদয়ত লৈ

তোমাৰ ছবি সঁজাইছো ,

তোমাৰ আগমনত -

পোহৰত ৰমক্ জমককৈ সাজি উঠে

মোৰ নগৰ চহৰ ,

দৰিদ্ৰয়েও বছৰৰ সাঁচতীয়া ধনেৰে 

উল্লাসিত হৈ ,

সহস্ৰবাৰ দুৰ্গতি বিনাই তোমাক ,

তুমিয়ে মহিষাসুৰ মৰ্দিনী

তুমিয়ে দুৰ্গতি নাসিনী 

পৃথিৱীত হোৱা সকলো বিনাশ দূৰ কৰি শান্তি প্ৰদান কৰা মা ।।

✍️ডলী গোস্বামী

তেজপুৰ