পৰীক্ষা হৈ আছে আমাৰ এতিয়া। মোৰ প্ৰায় পৰীক্ষা শেষ হ'বই হৈছে।আৰু দুটা বাকী আছে। পাখিহঁতৰ শেষ হ'বলৈ ভালেমান দিন আছে। আজিকালি পাখি অলপ গহীন হৈ থাকিব লৈছে।মোৰ লগত ভালকৈ কথা বতৰা পাতিব নিবিচাৰে।কিবা যেন তাই মোৰ পৰা লুকুৱাই আছে। মোক কিবা বেয়া পাই থকা নিচিনা লাগে। কিন্তু তাই মোৰ ইমান ভাল বান্ধৱী, তাই মোক কেতিয়াও বেয়া পাব নোৱাৰে।বেয়া পালে তাই খুলি ক'ব। হয়তো তাই ঘৰৰ কিবা অসুবিধা হৈছে চাগে যিটো মোক ক'ব বিচৰা নাই। সেইকাৰণে তাই এনেকৈ থাকিবলৈ লৈছে। ৰাতিপুৱা তাই পঢ়াৰ টেবুলতে বহি ফোন টো টিপি আছে। মইয়ো গৈ তাইৰ ওচৰতে বহিলোগৈ।
__________ কি কৰিছ? পঢ়া নাই।
মোক দেখি তাই সাউৎকৈ ফোন টো অফ কৰি দিছে। ইফালে মই দেখিলোয়েই।
পাখি________ নাই এনেই।
__________ মোক দেখি ফোনটো যে লুকুৱাই দিলি?
পাখি________ নহয় কিবা এটা চাই আছিলো হৈ গ'ল কাৰণে থৈ দিলো আৰু....
__________ উম....
কথাটো মই অলপো সহ্য কৰিব নোৱাৰিলো। তাই মোক ফাঁকি দিয়া নিচিনা লাগিল। উঠি গুছি আহিলো মই সেইখিনিৰ পৰা। অলপ পাছত তাই ক'ৰবালৈ যাবলৈ ওলাইছে।মোক একো কোৱা নাই ক'ত যাব ।
তথাপিও মই নিজেই সুধিলো....
_________ হঠাতে ওলাইছ' যে ক'ৰবাত যাৱ নেকি?
পাখি_________ উম..... অলপ ওলাই যাওঁ।কাম এটা আছে।
মই আৰু সুধি নাথাকিলো। হঠাৎ তাইৰ কি কাম ওলালে তাই জানিব। আগতে ক'ৰবাত গ'লে তাই অকলে নাযায় লগত মোকো নিয়ে।কিন্তু আজি অকলে যাবলৈ ওলাইছে। ওলাই থকাৰ মাজতে ফোনটো চাই আকৌ ওলাব লয়। কিবা এটা হৈছে তাইৰ নিশ্চয়। শেষত ওলাই হৈ যোৱা পাছত তাই মোক একো এটাও নোকোৱাকৈ গুছি গল। তাই গুছি যোৱাৰ পাছত মই এনেই বিছনাতে পৰি আছিলো। বৰ্ষাই ফোন কৰিলে সেইটো সময়তে। প্ৰান্তিক আৰু স্বাগত দা হেনো যোৱা কালি ঘৰলৈ আহিছে। কেইদিনমান থাকিব এইবাৰ। কথাটো শুনাৰ লগে লগে মোৰ বুকুখনে চিৰিং কৰি গল। কিমান দিনৰ পৰা যে মই এইটো দিনৰ কাৰণে ৰৈ আছিলো। শেষত তেওঁ কালি ইমান দিনৰ মূৰত ঘৰলৈ আহিল। গুছি যাম যেন এতিয়াই তেওঁক লগ কৰিবলৈ।
আগলৈ..........
✍️পূৰ্ণিমা হালৈ
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ