হে গুৰু শংকৰ

তোমাক শতকৌটি প্ৰণাম ,

পৃথিৱীত দুৰ্নীতিয়ে ছানি ধৰাৰ সময়ত ,

তোমাৰেই আৱিৰ্ভাৱ গুৰু ,

অনাথৰো নাথ তুমি গুণৰে সাগৰ ,

তোমাৰ গুণ সুঁৱৰি প্ৰভু ,

নতশিৰ কৰিলো স্মৰণ ,

হে গুৰু শংকৰ ,

তুমি আমাৰ গুণৰেই সৰোবৰ ৷

তোমাতেই বিচাৰি পাওঁ,

ভক্তিৰ এধানি লহৰ ৷

আহিন মাহৰেই পৱিত্ৰ তিথিত ,

তোমাৰ জন্ম প্ৰভু,

সকলোৰে বাবে আজি তুমি হ’লা ,

জগত গুৰু ৷

কীৰ্তন, ঘোষা , ৰত্নাৱলী ,

তোমাৰেই নাম প্ৰভু ,

নামঘৰৰ মজিয়াত বিচাৰিলেই তোমাক পাম ৷

ভাওনা পাতিলা , গীত মাত ৰচিলা ,

ন জন ভকতক একতাৰ দোলেৰে বান্ধি ,

তুমি গুৰু নামঘৰত ভক্তি চৰ্চা কৰিলা ৷

প্ৰভু তোমাৰ কৰুণাময় লীলা ,

তুমিয়েই সকলোকে একতাৰে বান্ধিলা ৷

🖊️দেৱশ্ৰী ওজা বৰা

বিশ্বনাথ,গহপুৰ