অভিসাৰ-ছৈদুল কুৰেছী

তোমাৰ বাৰু মনত আছেনে? 
সৌ সিদিনাৰ কথা ।
যিদিনা তুমি মই পাৰ্কত বহি 
কৰিছিলো প্ৰেমৰ অভিসাৰ।
প্ৰতিজ্ঞা কৰিছিলা তুমি 
কেতিয়াও নোযোৱা বুলি ।
কিয় কৰিলা তুমি এনে কাম ,
এৰি থৈ গুচি গ'লা মোক।
আজি তোমাৰ অবিহনে মই 
অচিন হৈ পৰিছো, এই ধামত ।
মানুহৰ কথাবোৰে মোৰ 
মনক খণ্ড খণ্ড কৰিছে, 
তিষ্ঠিব নোৱাৰিছো বিষৰ জ্বালাত ।

আহাচোন তুমি 
লৈ যোৱা মোক 
তুমি থকা ঠাইখিনিলৈ ।
আৰু মন নাযায় 
জীয়াই থাকিবলৈ 
তোমাৰ অবিহনে।
তুমি জানানে ? 
আজিকালি সকলোৱে 
মোক পাগল বুলি কয় ।
মই বোলে অনবৰত 
তোমাৰে কথা পাতো 
সিহঁতে মোক চাই ঠাট্টা কৰে,
মোৰ মজাক বনাই।

আৰু মই নাথাকো
এইখন জগতত ।
অ' মোৰ প্ৰিয়তমা, 
ক'ত আছা তুমি ? 
আহা লৈ যোৱাহি মোক ।।

✍️ছৈদুল কুৰেছী 
ঢেকিয়াজুলি, শোণিতপুৰ 

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send