এটা সপোন-হিমাশ্ৰী বৰা

সিহঁত আহিছে...

অৰুণ উদয়ৰ পৰত কংক্ৰীটৰ বাটেদি ,

ওঁঠযুগলত প্ৰস্ফুটিত অকৃত্ৰিম দুটি হাঁহিৰ চিকমিকনি ।

লগত‌‌ হেঁপাহৰ জোলোঙা ভৰাই আনিছে...

আপোনৰ উমাল আৱেশ-যি তাইৰ বাবে বৰ দুষ্প্ৰাপ্য 

শাসনসুলভ দায়িত্ব বিশেষ-যি তাইৰ বাবে উপহাৰ শ্ৰেষ্ঠ 

আৰু বাউলী প্ৰাণৰ সংগভিলাসী তাইও সন্ধান লাভ কৰিছে...

নিসংগতাৰ অশ্ৰু মচিবলৈ উদ্বাউল দুটি স্পৰ্শৰ 

অভিমানসুলভ দুষ্টালিৰে আজীৱন আগুৱাই নিয়া দুটি অগ্ৰজৰ ;

দুয়োৰে বাহুবন্ধনত তাইৰ স্বস্তিৰ নিশ্বাস !

সুখৰ কান্দোনমুৱা চিঞৰ - "বা"..."দাদা"...

বিমূৰ্ত নিশাটিত শীতৰ প্ৰকোপ ক্ৰমাৎ বৃদ্ধি পাইছিল তেতিয়া ।

✍️হিমাশ্ৰী বৰা

ৱিমেনজ কলেজ , তিনিচুকীয়া ।