শৰতৰ আগমন

কুঁৱলীৰ আঁচল টানি

ধৰালৈ নামিছে শাৰদী ৰাণী

শ্যামলী পাতৰ উৰণি গুচাই 

শেৱালি পাহিয়ে মাৰিছে হাঁহি৷

বতাহে বতাহে শাৰদী সুৰভি

হালিজালি নাচিছে কহুৱা বননি

চিনাকি চিনাকি ছন্দেৰে 

হৃদয়ত বাজিছে সুললিত ধ্বনি৷

 

সেউজীয়া পথাৰ,আশাৰ ৰেঙণি

পক্ষীৰ কাকলিৰে মুখৰিত ধৰণী

গছে বনে সজীৱতা,ভোমোৰাৰ গুঞ্জন

নিৰ্মল আকাশত তৰালিৰ নাচোন৷

ৰিব্‌ৰিব্‌ সমীৰণ,শাঁত পৰে দেহমন

দুচকুত ভাহিঁ উঠে সোণসেৰীয়া সপোন 

সেউজীয়া ৰং সানি শৰতৰ আগমন

হে ঋতু ৰাণী,তোমাক স্বাগতম৷

       

✍️কানন গোস্বামী

ধুবুৰী৷