নিয়ৰ- ৰুমী কলিতা দত্ত

নিয়ৰ
তুমি মুকুতাৰ মালা,
টোপটোপ শব্দত মই আপোনভোলা ।
দুপাখি মেলি উৰি আঁহা ধৰাৰ বুকুলৈ 
সপোন ৰচিবলৈ,
ৰংচঙীয়া মন তোমাতে বিভোৰ ।
দুপৰ নিশা নাৰিকলৰ ছিৰিলি পাতৰ স'তে
টুপুৰ টুপুৰ;
দূবৰিৰ পৰা বুটলি দুচকু তিয়াওঁ
কিজানিবা অলপ আমেজ পাওঁ।
কাগজৰ পৃষ্ঠাই পৃষ্ঠাই তোমাক পাওঁ শৰতৰ মেলাত।
কুঁৱলীৰ স'তে মিলি শীতৰ ৰ'দালি আগছি 
কোমল ৰ'দালি বাৰে বাৰে হেৰুৱাওঁ।
শীতৰ নিশা তোমাৰ স'তে যুঁজ 
নিয়ৰ,
শুভ্ৰ শেৱালিৰ সুগন্ধি সানি  
ৰিব্‌ ৰিব্‌ মলয়াৰ নাচোনৰ পৰশ লাগি 
সাৰ পাই উঠে সৰাপাত।

✍️ৰুমী কলিতা দত্ত

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send