প্ৰেমৰ দস্তাবেজ

বৰকৈ মনত পৰিছে আজি তোমালৈ ...

তোমাৰ সৈতে কটোৱা সময়বোৰলৈ ,

তোমাৰ তিতা-মিঠা মাতষাৰলৈ ,

নাজানো কিয় আৰু কেনেকৈ ?

জোনাকী আকাশৰ তিৰ্ বিৰ্ ৰঙে

আজি সজীৱ কৰি তুলিছে ,

তোমাৰ প্ৰতিচ্ছবি,

স্নেহৰ অনুভূতি ,

আৰু.......

তোমাৰ সেই তদ্ৰুপ হাঁহিটি...

আলিৰ দাঁতিয়েদি পাৰ হৈ যোৱা

প্ৰতিজোপা গছ -লতিকাই যেন 

তোমাৰ কথাকেই কয় ,

তোমাকেই সোঁৱৰাই !

অপেক্ষা মাথোঁ তুমি অহালৈ

তোমাৰ সান্নিধ্য পোৱালৈ ,

তোমাৰ সৈতে কথা পতালৈ

তোমাৰ সৈতে জীয়ালৈ ।

তুমিবিহীন এই জীৱন 

সঁচাই নিশ্চুপ-নিস্তেজ ,

এয়াই হয়তো প্ৰেমৰ দস্তাবেজ।।

✍️স্বাতী জয়ছোৱাল

নাহৰকটীয়া, ডিব্ৰুগড়