কলিতা- হেৰি বৰা, ক'ৰ পৰা আহিল ?
বৰা- এ নক'ব আৰু বুজিছেনে কলিতা । আজি মোৰ ছুটীয়েই নাই । সমাজৰ কামতে গৈছিলো । গছপুলি ৰোপণ কৰি আহিলো । পাছে, আপুনি ৰোপণ কৰিলেনে নাই ?
কলিতা- মই আকৌ আপোনাৰ দৰে নিমন্ত্ৰণ ৰক্ষা কৰি গছপুলি ৰোপণ নকৰো নহয় । ফটোও নুঠো । মাহটোত কিমান পুলি ৰোৱা হয় হিচাপ নাই । যত্নও লওঁ । আপোনাৰ দৰে আজিয়ে ৰুই দায়িত্ব নাসামৰো নহয় । বিশেষ দিন বুলি মোৰ একো নাই ।
বৰা- আপুনি কথাখিনি বৰ বেলেগ কৈ ক'লে দেখোন কলিতা ।
কলিতা- কি বুলি ক'ম আৰু এনেকৈ নকৈ । আপোনালোকে প্ৰকৃতিখন ধ্বংসহে কৰিছে । দেখুৱাই ৰুইছে, ফটো উঠিছে । নিজৰ দায়িত্ব সামৰিছে । তাৰ জানো কোনোবাই কিবা যত্ন লৈছে । যোৱাবছৰ ঘৰৰ ওচৰত ৰোৱা ঘেৰৰ মাজত গছপুলিটো আছেনে নাই সময় পালে এবাৰ চাবচোন ।
বৰা- এ কলিতা, মই যাওঁহে মোৰ দেৰি হৈছে ।
কলিতা- এ ৰ'বহে । গছ থাকিলেহে মানুহ থাকিব । আগতে সচেতন হৈ নিজৰ পৰিৱেশটো নিকা কৰক । সেউজীয়া পৃথিৱীখন ধ্বংস হৈ যাবলৈ নিদিব । পৰিৱেশক ৰক্ষা কৰক । তাৰ পাছত সমাজৰ কথা ভাবিব ।।
✍️বিশ্বজিৎ সূত
বালিজান, চতিয়া
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ