বৰ্ষণ জাগ্ৰত ৰাতি-বিনিতা বৰা

শৰতৰ জোনাক ৰাতি

স্নিগ্ধ পোহৰত

নিয়ৰ সৰিছে দুবৰিত ।

শেৱালিয়ে গা ধোৱাৰ পৰত

আমোল-মোল সুবাস লৈ,

বৰ্ষণ জাগ্ৰত ৰাতি

দুবৰিৰ দলিচাত সৰগ হৈ সৰিছে

মুকুতা মণি ।

কাল ৰাতি শেৱালিৰ মিঠা সুবাস লৈ,

শৰতৰ শব্দময় নৈঃশব্দত

কথা পাতিম তোমাৰ সতে

হিয়া উজাৰি ।

কঁহুৱা বিৰিণাৰ আঁৰত বহি

পুৰণি স্মৃতি কৰিম সোঁৱৰণি ।

শেৱালিৰ সুবাস ভৰাই

ৰাখিছো হৃদয়ত গোপনে দুৱাৰ খুলি !

কাল ৰাতি গোপনে আছো

তুমি অহা বাটলৈ চাই,

কঁহুৱা বিৰিণাৰ আঁৰত বহি ।

          

✍️ বিনিতা বৰা

হোজাই জিলা,লংকা-কাকী-৩

      

     •••••••••••••••••••••••••••