সোঁত-ডাঃ প্ৰণৱ চক্ৰৱৰ্তী

নৈখনৰ সোঁতত বৈ থাকে

মোৰ আজোককাহঁতৰ ইতিহাস,

সোঁতত বৈ গৈছে

মোৰেই কোনোবা উপৰিপুৰুষৰ ঘাম, 

বৈ আছে বহুজনৰ শেষ যাত্ৰাৰ হাড়ৰ টুকুৰা ৷ 

মই নৈখনৰ নিৰৱতা পচন্দ নকৰোঁ,

নৈখন নিৰৱ হ’লেই স্তব্ধ হ’ব

বোঁৱতী সোঁতৰ অলেখ ইতিহাস ৷

মোৰ উপৰিপুৰুষৰ অস্তিত্বৰ সন্ধানত 

মই নৈৰ পাৰত ৰৈ থকাৰ দৰে

মোৰ উত্তৰপুৰুষে বিচাৰিলেও এদিন

বিচাৰি নাপাব স্তব্ধ পানীত মোৰ অস্তিত্ব ৷

নৈখন নিৰৱ নহওক,

বোঁৱতী সোঁতবোৰ একেই থাকক

কঢ়িয়াই থাকক নৈপৰীয়াৰ ইতিহাস..

✍️ডাঃ প্ৰণৱ চক্ৰৱৰ্তী

নলবাৰী