হৃদয়ৰ আহ্বান - মাজনী চহৰীয়া

সপোন সিঁচিব পৰা তোমাৰ কোমল দুহাতেৰে  
পাৰা যদি ছটিয়াই দিয়া
মুঠি মুঠি শব্দৰ সেউজীয়া,
গজি উঠক 
মোৰ উদং বুকুৰ উপত্যকাত
অলেখ ভাললগা ৷

তুমি বিশ্বাস কৰা 
মই প্ৰতি দিনেই কামনা কৰোঁ
তোমাৰ ভালপোৱাৰ মাজেৰে প্ৰগলভা আত্মিয়তা 
তুমি নজনাকৈ
এজাক সমীৰণৰ মিঠা মায়াত
বিয়াকুল হৈ পৰিছোঁ 
কাৰণ তুমিয়েইটো 
মোৰ মনৰ সৰহ ঠিকনা ৷

এবাৰ কোৱানা 
মই তোমাক ভালপাওঁ
গভীৰ ভাবে
হৃদয় পৰা হৃদয়লৈ 
বুকুৰ বুকুলৈ কিমানো দূৰ 
পাৰা যদি এবাৰ কোৱা 
মই তোমাক বহুত ভাল পাওঁ ৷

✍️ মাজনী চহৰীয়া ৷

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send