এইয়া ঈশ্বৰ অহা সময় - জিতেন চেতিয়া

ঈশ্বৰ ফুল ফুলিছে
দশোদিশে
এজাক বনফৰিং বতাহ বিয়পি পৰিছে
সুতীক্ষ্ণ সুৰত ৷

মৰত নহয় যেন অময়াপুৰী ---

পাহ মেলা জোনাক বৰষুণত
ভিজা ওঁঠবোৰ লৰিছে কঁপিছে
অনামী আৱেশত ৷

মানুহৰ চুবুৰীলৈ
এতিয়া ঈশ্বৰ অহা সময়
সেয়েহে প্ৰেমবোৰ ফুলিছে বুকুত
চাপৰিৰ কহুঁৱাৰ দৰে শুভ্ৰবসনত ৷
      
✍️ জিতেন চেতিয়া ৷

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send