শুকান জেওৰা ছেপা ৰাতি
নিশাই ফুলি
নিশাই সৰে
থেকেৰা ফুলৰ কলি ।
খোপাৰ সুগন্ধিত
বালিমাহীৰ হাঁহি
লেছেৰী বুটলা ধানৰ থোক
আঘোনৰ ন-খোৱা
এসাঁজ দুৰ্লভ ভাত ।
পুহত পিঠা খাই
মেজিৰ জুইকুৰাত
গা- টো সেকিবলৈকে
জকাই চুকলৈ
এবাৰ আহিবা নেকি
অৰুণিমা ?
শুনিছোঁ
এইবাৰ হেনো
মেজিৰ জুইকুৰা
ডাঙৰকৈ জ্বলিব ।।
✍️হেমেন হাজৰিকা
মিৰ্জা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ