ব্যস্ততা- প্ৰজ্ঞা দেৱী ভূঞা

পৃথিৱীখনৰ ব্যস্ততাবোৰ বাঢ়ি গৈছে

দিনবোৰ দিন হৈয়েই আছে

কিন্তু,

        ৰাতিবোৰ ব্যস্ত হৈ পৰিছে

        দিনলৈ পৰিৱৰ্তন হোৱাৰ উপক্ৰমত.....

মানুহবোৰ পৰিৱৰ্তন হৈছে,

আকৌ পৰিৱৰ্তনৰ সোঁতত মানুহে ব্যস্ত ৰাখিছে নিজকে;

আৱেগৰ সময়বোৰ কংক্ৰীটলৈ সলনি হৈছে

অভিসাৰিণী সময়ে ব্যস্ত ৰাখিছে হৃদয়ক।

হৃদয়খন ব্যস্ত হৈ পৰিছে,

মিছা অনুভৱবোৰ আপোন কৰাৰ বৃথা প্ৰয়াসত;

বৃথা প্ৰয়াসত ব্যস্ত জীৱনবোৰ,

আৰু,

        এনেকৈয়ে পৃথিৱীখনৰ ব্যস্ততাবোৰ বাঢ়ি গৈছে।

✍️ প্ৰজ্ঞা দেৱী ভূঞা