দক্ষিণ কামৰূপৰ ৰাভাসকলৰ স্ত্ৰী আচাৰ অনুষ্ঠান ০৭~প্ৰবন্ধ- হেমেন হাজৰিকা

 গীতবোৰ পৰিৱেশ সাপেক্ষে অৰ্থপূৰ্ণ | বগেজাৰী নৃত্য-গীত পৰিৱেশন কৰোঁতে প্ৰথমতে সৰস্বতী মোহিনীক স্মৰণ কৰা হয় | ঢাক , ঢোল , বাঁহী প্ৰভৃতিৰ সন্মোহিনী বাদ্যৰ লগতে কণ্ঠত সুললিত গীত আৰু নাচোনৰ সুন্দৰ ভঙ্গীমাৰে যাতে মানুহৰ উপৰিও দেও-ভূতকো মুহিব পৰা শক্তি লাভ কৰিব পাৰে তাৰ বাবে প্ৰাৰ্থনা জনাই এনেদৰে ........
  সৰস্বতী মোহিনী গীতৰ চাহিনী
কায়ো বজাই ঢাক ঢোল 
কায়ো বজাই বাঁহী
কায়ো বজাই গবেণা-থৰকা
দেও মোহন মুহিবা
ফুৰে উজান ভাটী |
গান দিয়া গলত আমাৰ
ভৰিত নাচৰ ছেও
গেও ভূত মুহিবা
খাওক নাচৰ চেও |
মদ বা লাওপানী খোৱা কাৰ্য ৰাভা সমাজৰ চিৰাচৰিত প্ৰথা কৃষ্টিগত বৈশিষ্ট্য | ৰাভা সমাজত ঘৰুৱা তথা সামাজিক আচাৰ অনুষ্ঠান , উচৱ-পাৰ্বণত মদৰ অবাধ প্ৰচলন | বগেজাৰী গীততো মদৰ উল্লেখ পোৱা যায় |
    বগেজাৰী বাই অ'
     তোৰে গীত গাওঁ
    সকল জাতি মদ খায়
   ৰাভাৰ উঠে নাং |
  প্ৰেম-- পীৰিতিৰ কথাও বগেজাৰী গীতত পোৱা যায় 
    বগেজাৰী বাই ঐ
    ককতে যাবি পুৱাই
    কাৰো আগত নকবি
    তকে মমে শুহাই |
    গৰু চাবা বাকাৰাতে
    খান্দোং কাকাৰা
    বুহিবাৰে বুধিতে
    নাং নাকাৰা 
    বাটৰে গুইলন টেঙা
     গুটী ৰেচেক্ চেক
    মন খাবাৰ বুধিতে
    হাঁহে মেচেক্ চেক |
  
 আগলৈ

✍️হেমেন হাজৰিকা
মিৰ্জা

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send