ৰোগীয়া পৃথিৱী- বিনিতা বৰা

ৰোগত আক্ৰান্ত হৈ পৰিছে পৃথিৱী
চাৰিও পিনে দেখো মাথো প্ৰদূষণ
জলবায়ু ধুঁৱলী-কুঁৱলী ।

নীলিম আকাশত নাই
এজাক বগা বগলী,
উদাস মনেৰে আগলি বাঁহ
লৰিছে হালি জালি ।

জীৱ-জন্তুৰ মৃতদেহবোৰ
ভক্ষণ কৰিবলৈ নাই এজাক শগুণ ।

পাহাৰ-ভৈয়ামৰ তৃণ-মূল কাটি
চলাথ কৰিছে সিহঁতবোৰে !
পখীবোৰ জিৰণি 
ল'বলৈ নাই ওখ বিৰিখ ।

অসহনীয় গোন্ধ বিস্তাৰ হৈ
ৰোগত আক্ৰান্ত হৈ পৰিছে পৃথিৱী,
দিনে দিনে বাঢ়িব ধৰিছে অঘৱন্ত ।

ভৰ সহিব নোৱাৰি
বিষাদৰ বেদনা লৈ 
শোকত নিগৰিছে দুচকুত চকুপানী,
ৰোগত আক্ৰান্ত হৈ পৰিছে এতিয়া পৃথিৱী ।
           
✍️বিনিতা বৰা
হোজাই জিলা,লংকা-কাকী-3

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send