ধিক্কাৰ-ৰিংকী মণি নাথ

কেনেকুৱা দেশৰ সভ্য সমাজত 

বাস কৰিছো আজি

দিন ৰাতি চাৰিওফালে

চলিছে কেৱল ত্রাস । 

ধর্মালয়ত শুনিছো আজি

শিষ্যৰ আর্তনাদ 

সেই ঠাইৰ কিছু ভণ্ড গুৰুয়ে 

কৰিছে ধর্ষণ বলাৎকাৰ

প্রেমৰ নামতো ভণ্ডামি কৰি 

নাৰীৰ চিত্ত খনন

বিয়াৰ প্রলোভন দি 

দেহক কৰিছে হৰণ ।

তথাপিও চলিছে খোলা মেলা

প্রেমিক যুগল যুটিৰ 

সিহঁতেই আকৌ হত্যা ধর্ষণ কৰি

নিছে সকলো লুটি ।

নগ্নতাৰ পোচাক পিন্ধি এতিয়া 

ৰাস্তাত ঘূৰিছে সেইবোৰ

যিবোৰৰ লাজ এতিয়া

চিৰকালৰ বাবে হেৰুৱা । 

সন্তান হীনৰ দোষত

আজি মা-দেউতাকেই দায়ী

শাসনৰ সলনি অভ্যাস

কৰিছে তেওঁলোকে স্থায়ী ।

দেহ ব্যৱসায় পৰকীয়া সহ

মন্দ সকলো কর্ম

সকলোকে ধিক্কাৰ দিছে 

ধৰাৰ সকলো ধর্ম । 

✍️ৰিংকী মণি নাথ 

বঙাইগাওঁ ।