শেৱালি-প্ৰশান্ত প্ৰিয়ম

ভিজা ভিজা হৃদয়ৰ পল অণুপলবোৰে
নামানে আজি তোমাৰ শূণ্যতাৰ অৱস্থিতি
এই শাৰদীয় বতৰত তোমাৰ আগমন
শৰতে মোক কিন্তু......
পুৱা সূৰ্যোদয় নোহোৱা আগতে দি যায়।
হয়তো তুমি শৰতৰ জোনাক নিশাও ভাল পোৱা ন,
মইও ভাল পাওঁ
সেই জোনাকেও তোমাৰ সম্ভাষণ জনায়
দি যায় তুমি পুৱা অহাৰ বতৰা।
জোনাকী আৰু পখিলী সখিয়ে
তোমাৰ আলফুলীয়া দুগাল বৰ কৈ চুমে ন;
দুবৰিয়ে দলিচা আৰু নিয়ৰে টোপাল
তোমালে প্ৰতিটো শৰতৰ বাবেই যেন লৈ আহে।
প্ৰতিটো শৰতৰ পুৱা তুমি নহ'লে নিয়ৰ আৰু দুবৰি
মোৰ দৰেই অকলশৰীয়া,
সেয়ে তুমি আহিবা! প্ৰকৃতিৰ এই ধুনীয়া ধৰাত
মোৰ শৰতৰ জীপাল পুৱালে মধুৰ শৰতৰ ৰহণ সানিবলে,
সুগন্ধিৰে দিনটো ৰঙীণ কৰিবলৈ
তুমিয়েইটো শেৱালি.............।।।

✍️প্ৰশান্ত প্ৰিয়ম
ঢেকীয়াজুলি, শোণিতপুৰ।

Post a Comment

Previous Post Next Post