অপেক্ষা মাথোঁ নতুনত্বৰ-প্ৰিয়ংকা গায়ন

আশাবোৰ আকৌ পোখাইছে,
সপোনবোৰো ঠন ধৰি উঠিছে,
অসীমলৈ চাই।
আজি সকলো শান্ত হৈ পৰিছে,
এক নতুন প্ৰভাতৰ সন্ধান কৰিছে,
পুৱাৰ বেলিটিলৈ চাই।।

নতুনত্বৰ আশাত আজি মই
পুৰণি বিষাদবোৰক দলিয়াই
অপেক্ষাৰত মাথোঁ আজি
নৱ প্ৰভাতৰ।
ৰাতিৰ আন্ধাৰ আঁতৰাই
জীৱনটো নকৈ পোহৰাই
হেঁপাহ মাথোঁ মোৰ 
আগুৱাই যোৱাৰ।।

মোৰ এই নতুন পথৰ সংগী
নালাগে কাকো।
আগুৱাই যাম নিৰৱে নিবিচাৰো
যাত্ৰাপথত সাৰথি কাকো।।
লাগে মাথোঁ এটি নতুন প্ৰভাত।।

✍️প্ৰিয়ংকা গায়ন

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send