শেতা পৰা হৃদয়ৰ
কটুৰ চোতাল
তোমাৰ বাবে আজিও সজল।
তোমাৰ স্মৃতিৰ শেলাইৰে সেউজ আজিও ,
মোৰ মনৰ সেই অনাৰ্দ্ৰ বিপিন ।
অহৰহ চেষ্টাৰ অন্তত
ৰুকি ৰুকি চিকুনাব নোৱাৰি
লেচাৰ মোৰ আৰ্ত্ত শৰীল।
বেজাৰ বুলি নকওঁ...
সুখত তবধ মই ,
ন-কৈ বকুলৰ সুবাস লোৱাৰ হেঁপাহ
যে তাৰ নাই ।
বিৰহৰ কটাৰীয়ে কুটুৰি কুটুৰি ৰদীয়া কৰা
মোৰ আমঠু আজি নিস্পান ।
সেয়ে মই সুখী।
এতিয়া হিয়াত
আঁচোৰৰ জেগা মাকাল,
মনৰ শুক্ল চোলাত থামিল মাথো
দহি দহি বাষ্প হোৱা তেজৰ অলকত কৰাল ।
ওঁঠত ৰৈ গল মাথো
অভব্য কৰ্কশতাৰ ভঁৰাল।
✍🏻প্ৰাঞ্জল শৰ্মা
নলবাৰী,পিপালিবাৰী
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ