ৰুগ্ন সমাজ-পাৰমিতা বাস্কে শৰ্মা

কʼতই কয় একতাৰ কথা

কʼতই বুজায় সমতাৰ ভাষা..

কʼতই দিয়ে মূল্যবোধৰ শিক্ষা....

কিন্তু,তথাপিও দেখোন চাৰিওফালে

হত্যা-হিংসা,লুণ্ঠন-ধৰ্ষণ

ধৰ্ম-অধৰ্ম, জাতি-পৰজাতি

আৰু কʼত যে কিহৰ বিভীষিকা .....

প্ৰশ্নতো মোৰ ইয়াক লৈয়ে...

আছেই যদি সমাজত

একতা-সমতা,

আছেই যদি সমাজত মানৱতা

তেন্ত কিহৰ বাবে

অত বৰ্ণবৈষম্য-জাতিভেদ প্ৰথা

এন্ধাৰ আৰু নালাগে,পোহৰ অকন দিয়া

মুখাপিন্ধা হোৱাতকৈ সঁচাকৈয়ে ভদ্ৰ হোৱা,

জীৱশ্ৰেষ্ঠ সঁচাকৈয়ে যদি

মানসিকতা সলনি কৰা...।

      

✍️পাৰমিতা বাস্কে শৰ্মা

নুনমাটি, গুৱাহাটী