কেনে আছা ?
বহুত দিনৰ পাছত তোমালৈ চিঠি লিখোঁ বুলি কলমটো হাতত লৈছোঁ । এয়া,ঘড়ীটোৱে এক বজাৰ সংকেত দিছে । মাটি কঁপাই ,উকি মাৰি ৰেলখনো পশ্চিমদিশে আগুৱাইছে জ্বলাই থোৱা লেমৰ পোহৰ খিনিও কঁপি উঠিছে,মই সাৰে আছোঁ ।
কেতিয়াবা এন্ধাৰৰ নিৰৱতা খিনিও খুুবেই আপোন আপোন যেন লাগে ।
কাষত তুমি নাই যে এতিয়া, তোমাৰ মনত আছেনে,
তুমি যে কৈছিলা ৰাতি আকাশলৈ চালে কথা পাহৰে বুলি ,
মই আকৌ আজি কালি প্ৰায়ে ৰাতিৰ আকাশখনলৈ চাও ।
কিজানিবা কিছু কথা পাহৰিব পাৰোঁ । আজিকালি কলমটোৱেও মোৰ সংগ এৰিছে । ডায়েৰীৰ পাত লুুটিয়াই থমকি ৰব লগা হৈছে । শব্দৰ খুবেই অভাৱ এতিয়া ।
মোৰ কঁকাললৈকে পৰা চুুলিকোছা এতিয়া ডিঙিলৈকেহে পৰে,কাটি পেলালোঁ । তুমি নোহোৱা হোৱাৰে পৰা চুুলিকোছাই মোক উপলুঙা কৰে ।
মই সহিব নোৱাৰোঁ,
তোমাৰ মনত পৰেনে কেতিয়াবা ! আমাৰ ভালপোৱাৰ কথা ,
নৈৰ পাৰৰ বালিত একে লগে দিয়া খোজৰ কথা, তোমাৰ মোৰ নামটো এক কৰি লিখাৰ কথা, উফ! মোৰ বুকুুত উশাহে খুন্দা মাৰি ধৰিছে, দুৱাৰ খুলি বাৰাণ্ডালৈ ওলাই আহিছো । বাহিৰত জোনাকীৰ জাক নাই,
সেয়া ঘডীটোৱে আকৌ চাৰি বজাৰ সংকেত দিছে আজিলৈ সামৰোঁ দিয়া,বিদায়বেলাত কৈ যাওঁ, সস্তাত বিক্ৰি কৰি নিদিবা ,অভিমানি তোমাৰ ভালপোৱাবোৰ প্ৰান্তত । সূৰুযমুখী ফুলৰ দৰে মই তোমাৰ আজন্ম প্ৰেমিকা
🖊️প্ৰিয়ংকা কোঁৱৰ ,গোলাঘাট
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ