অবিনাশী মই-পূৰৱী তালুকদাৰ

©Admin
0
"ভ্ৰষ্টাচাৰ মুৰ্দাবাদ, ভ্ৰষ্টাচাৰ ....."
ধ্বনিৰে আকাশ কপোৱা
কাৰাগাৰত আবদ্ধ কৰি
কলমৰ ধাৰেৰে দুচেৱা কৰা
তথাপি বিৰিঙি নুঠে
এটুপি ৰঙা তেজ ।

তুমি উভালি পেলাবা
কেঞাবনৰ দৰে পুনৰ জী উঠিম ,
একৰ পৰা একশ
একশৰ পৰা হাজাৰ
হাজাৰৰ পৰা...........।

নিলাজ, সুবিধাবাদী মই
কুৰুকি কুৰুকি সোমাম অলক্ষিতে
তোমাৰেই প্ৰতিটোপাল তেজত ।
পূৰ্ণ হ'ব বিলাসী আকাংক্ষা
ডিঙিত শুৱাব ফুলৰ মালা ।

অবিৰত যাত্ৰা মোৰ..........
মেজৰ তলেৰে,খাকী ৰং, গান্ধী টুপী ,
ধৱল পোছাকৰ আৰেৰে 
তোমাৰ পৰা তেওঁলৈ,
তেওঁৰ পৰা তেওঁলোকলৈ............ ।
       
✍️পূৰৱী তালুকদাৰ 

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)