সূৰুযমুখী সপোন-ৰুনু শৰ্মা

বহুদিন বহুবছৰ পাৰ হৈ গ'ল, সপোন এটাক 
বান্ধি থোৱা, 
এটা এটাকৈ বহুত সপোনে খুন্দিয়াইছিল
       মোৰ ঠুনুকা হৃদয়খনত,
এটা যেন চিনাকি সুৰ ভাঁহি আহিছে
    দূৰৈৰ পৰা কিন্তু অস্পষ্ট 
    বেলি লহিওৱাৰ পৰত
  মোৰ যাত্ৰা পথতেই
আলি কেঁকুৰিটোৰ পৰাই
ভাঁহি আহিছে বতাহত 
এটা গান, এটা সুৰ
আমোলমোল সুবাসত
পখিলাবোৰে গীত গাইছে 
এটা হৃদয় জুৰোৱা গান
যি কথা ক'বলৈ থাকি গ'ল
যি কথা আগতে কোৱা নহ’ল
যি কথা আগতে শুনা নহ’ল
 তাৰেই প্ৰতিচ্ছবি 
তাতেই শুনা পালো
মোৰ সপোনৰ গান
হৃদয়ৰ গান, 
এই আলি কেঁকুৰিটোৰ
 উভটনি যাত্ৰাত
বিয়লি বেলাত। 

✍️ৰুনু শৰ্মা
গুৱাহাটী

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send