মোক এটা অজুহাত লাগিব
আপোনাৰ দুচকুত
নাই সেই ভাষা
ওঠৰ নিয়ৰত
কোন স'তে বিচাৰিম
বেয়া পোৱাৰ পৰিভাষা ।
আপুনি তাত আছে বাবেই
আজি মই ইয়াত
ঠিয় হৈ আছোঁ
আপোনাৰ বাবেই
মোৰ ইমান চিনাকি
ইমানৰ পিছতো
মই আপোনাক
বেয়া পাব পাৰিম জানো ।
ভাল পাব পৰাকৈ
অযুত অজুহাতৰ বাবে
আপোনাক বেয়া পাব নোৱাৰো ।
আপোনাক বেয়া পাবলৈ
কিবা এটা অজুহাত
থাকিব নালাগিব জানো ?
🖊️ হেমেন হাজৰিকা
মিৰ্জা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ