শৰীৰৰ ভিতৰৰ শৰীৰ~কবিতা-হেমেন হাজৰিকা

  আগতীয়াকৈ ব'হাগক 
  জনাই থোৱা
  দুষ্ট ফাগুনে কেনেকৈ
  জোকাৰি থৈ যায়
  শৰীৰৰ ভিতৰৰ শৰীৰটো।

 খৰাং চ'তৰ
 অত্যাচাৰ সহি সহি
 যেতিয়া আকাশ চাইছিলোঁ
 ডাৱৰবোৰ ৰঙা হৈ
 ঢাপলি মেলিছিল ক'ৰবালৈ
 তাৰমানে সেয়া
 শিমলু - মদাৰ আছিল
 ডাৱৰ ৰঙা কৰা।

ঠিকেইটো...
If winter comes 
than spring no far behind
তাকে ভাবি  মইও ততাতৈয়াকৈ
ব'হাগক আগতীয়াকৈ
কথাটো জনাই থলোঁ। 

 ✍ হেমেন হাজৰিকা
          

Post a Comment

Previous Post Next Post