মাঘবিহু~কবিতা-ছাইফুদ্দিন আহমেদ

মাঘৰ বিহুৰ প্ৰথম পুৱাতে
জীৱনক হঁহুৱাই নানা 
তৰহৰ পিঠা-পনাৰ সোৱাদে;
বিলৰ শ'ল, মাগুৰ মাছৰ
জোলেৰে মহা- ধুমধামেৰে
ভেলাঘৰত এসাজ খোৱাৰ
কি যে আনন্দ আমি গাওঁবোৰৰ
মানুহে হে অনুভৱ কৰিব পাৰোঁ !

হাঁহ মখাৰ চিঞৰ ভেলাঘৰৰ জুই চাই,
গাঁৱৰে এজনে হাঁহ দুটা আনি দি যায় ৷
ডেকামখাই খাবলৈ বুলি প্ৰতিটো
লগন প্ৰীতিৰে এসাজ উদৰ পূৰাই ৷
শীতৰ সেমেকা ৰাতিত মাঘৰ নূপূৰে
গাঁৱৰে যুৱতীৰ বুকুত জিলিকি  উঠে
টুপ টুপ নিয়ৰে নতুন পোৱাৰ আমেজ দিয়ে,
উদুলি-মুদুলি গাওঁখন যে আনন্দময় হৈ পৰে ৷


✍ছাইফুদ্দিন আহমেদ

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send