বুকু বিষন্ন বিৰাগ
ছহিদে তেজ দি
স্বাধীন কৰিলে মোক
ছহিদে জীৱন উচৰ্গা কৰি
জন্ম দিলে অসম ভূমিক ।
যি ভূমিয়ে আকৌ
জন্ম দিলে
শংকৰ মাধৱৰ পৰা আদি কৰি
সহস্ৰ শাশ্বত মহাপুৰুষক ।
যি ভূমিয়ে
ভূমিস্থ কৰিলে
মাধৱ কন্দলী, বেজবৰুৱাকে আদি কৰি
সহস্ৰ কালজয়ী সাহিত্যিক ।
যি ভূমিয়ে
জনম দিলে
জ্যোতিপ্ৰসাদ আগৰৱালা, বিষ্ণুপ্ৰসাদকে আদি কৰি
সহস্ৰ যুগজয়ী শিল্পীক ।
কিন্তু আজি মোৰ মন আথান
বুকু বিষন্ন বিৰাগ
সৰ্বত্ৰে ৰঙা পিকৰ ৰঙীনতা দেখি ।
ছহিদৰ ৰঙা তেজবোৰ আঁতৰি
মোৰ বুকুখন ৰঙা কৰিলে
বিবেকহীন মানৱৰ ৰঙা পিকবোৰে ।
কেতিয়াবা ভাৱো
এয়া জানো শংকৰ, আজান
লাচিত, মূলাগাভৰু ,কনকলতা, সতী জয়মতীয়ে
এৰি যোৱা অসম মাতৃৰ ভূমি হয়নে ???
🖋️মানিক পাল
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ