সমুজ্জ্বল পুৱাবোৰত নহয়
স্ফীত আঁউসীত মাতাল মই,
শৈশৱৰ সেই দিনবোৰত নহয়;
তোমাৰ স্মৃতিয়ে আমনি কৰা ৰঙা গোলাপৰ মৰহা ফুলৰ পাহিত মাতাল...।
নিবিচাৰোঁ কাঁচৰ মাজেৰে
চাব পৰা ফটফটীয়া এটা নিকা জীৱন ৷
বিচাৰোঁ এক অন্ধকাৰ পৃথিৱীৰ কোনোবা এটি কোণত উজ্জ্বল
এক তৰাৰ পোহৰ ৷
যান্ত্ৰিক পৃথিৱীত
এটি নিকা জীৱনৰ নাই
প্ৰয়োজন মাথোঁ
কলা ধোঁৱাৰ দৰে
এক জীৱন...।
খন্তেকীয়া জীৱনৰ
মূল্য বিচাৰি,
হাহাকাৰ কৰাৰ প্ৰয়োজন
অনুভৱ নকৰে ৷
বিচাৰে মোৰ দৰে
নিষ্প্রাণ জীৱনৰ
আগ্নেয়গিৰিৰ ধোঁৱা ৷
✍কংকন ডেকা
নলবাৰী, চামতা
তৃতীয় ষান্মাষিক
কামৰূপ কলেজ, চামতা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ