শুভাকাংক্ষী~কবিতা-প্ৰণৱ চক্ৰৱৰ্তী

তই খোজ দিয়া বাট

ভুল বুলি জানিয়ে

কোনোবাই ওভতাই আনে,

কঠিন চকুহাল তোৰ

অচিনাকি বুলি জানিও

কোনোবাই তোৰ চকুত চকু ৰাখে ৷

সত্যবোৰ সন্মুখত থাকে

অথচ অসত্যৰ মায়াত বন্দী তই,

জীৱনৰ সৰল অংকবোৰ 

জটিল কৰাত অভ্যস্ত তই ৷

তোৰ বৰ্তমানৰ বাটেদি

ভৱিষ্যত নেদেখি কোনোবাই

অহৰহ চকু ৰাখে তোৰ ওপৰত,

তোৰ প্ৰিয় হোৱাৰ হাবিয়াস

তেওঁৰ নাই,

তেওঁৰ নীৰৱ সংগ্ৰাম

তোক জীয়াই ৰখা...৷

✍প্ৰণৱ চক্ৰৱৰ্তী, নলবাৰী