মদাৰ ফুলা দিন বোৰত
চঞ্চল ফাগুনে
বতাহত উৰি থকা তাইৰ দীঘল চুলিৰ
বতৰা দি যায় হৃদয়ত ।
সৰা পাতত কবিতা লিখি
প্ৰেমৰ বতৰা
ফাগুনৰ ঠিকনা ত পঠিয়াও ।
দুগালত ৰং আঁকি ফাগুনে
গোপনে দি যায় তাইৰ
হৃদয়ৰ বতৰা বৰষুণৰ টোপে টোপে ।
নৈ পাৰত ডুবু ডুবু বেলিৰ পোহৰত
মোৰ দুহাতত ধৰি
ফাগুনে বিষাদৰ কথা বোৰ
অভিমানী চকুলোৰে কৈ যায়
আকৌ ঘূৰি অহাৰ কথাৰে
উদাস উদাৰ ভগ্ন হৃদয় শুকাই
ফাগুন গুচি যায় ।
✍ধনজিত কলিতা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ