মই সলনি হ'লো মা-কবিতা~ৰিতুপন গোস্বামী

মেট্ৰিক পাছ কৰি কলেজত
নামভৰ্তি কৰিলোঁ মা। 
তোক এৰি থৈ আহিবলৈ
মন যোৱা নাছিল মা ।
কি কৰিম , যাবইটো লাগিবই।
যিদিনা ঘৰখন,তোক এৰি থৈ আহিছিলোঁ,    
সেইদিনাই মই সলনি হ'লো মাঁ।
 ঘৰৰ পৰা বাছত নুথালৈকৈ
তই মোক চাই আছিলি।
মই জানো তই তোৰ
আঁচলেৰে  চকুলো টুকিছিলি। 
মই তোক পিছুৱাই চাবলৈ মন নগ'ল আৰু মা। 

বাছৰ পৰা নামি ৰূমত সোমোই,
দেখিলোঁ চিগাৰেটৰ পেকেট, মদৰ গোন্ধ, কিম্বা বটল।
লগৰকেইটাই খাই শুই আছে।
মই কেতিয়া গৈ পালোঁ, তাহঁতৰ  খবৰে নাই।
মোক সুধিছে , কেতিয়া পালিহি বন্ধু?
মই ক'লো, যোৱাকালি সন্ধিয়া।
তহঁতে গম নাপাবি।
কিয়নো, তহঁতে মদৰ নিচাঁত শুই আছিলি।
এতিয়া মুখ- হাত ধুই কলেজ যাওঁ ব'ল! 

পঢ়া - শুনা শেষ হ'ল,
চাকৰি এটাও গোটাব 
পৰা নাই ও মা।
হতাশাত ভুগি ভুগি এতিয়া চিগাৰেটৰ সোঁৱাদ ,
মদৰ আমেজকে জীৱন বুলি ভাবি ললোঁ মা। 
ঘৰৰ পৰা ওলাই আহি মনটো ভাল লাগিছিল,
তোৰ আৰু গালি শুনিব নাপাওঁ বুলি।
এতিয়া দেখোন চিগাৰেটৰ সোঁৱাদ ,মদৰ আমেজতকৈ তোৰ গালিয়ে বহুগুণে ভাল আছিল ও মা
মই সলনি হ'লো মা.... । 

নাম: ৰিতুপন  গোস্বামী।
ঠিকনা : টিপাম।

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send