মই নথকাৰ বতৰা-স্বাতী জয়ছোৱাল

যিদিনা মই নাথাকিম
সিদিনা পিছে,
তুমি কান্দিবানে ?
বুজিবানে বাৰু ,
মই থকাৰ মহত্ব !

নে গমকে নাপাবা ?
মই আছো নে নাই ,
এই বিশাল পৃথিৱীত !
মই মাথো এটি ক্ষুদ্ৰ জীৱ
মানৱ সমাজত,
তোমাৰ জীৱনৰ 
প্ৰেমৰ সাগৰত !

হয়তো,
তোমাৰ দৰেই
বহুতে অশ্ৰু টুকিব ,
বহুতে মোক দোহাৰিবও ,
কিন্তু ,
ক্ষন্তেকৰ বাবে
এটি পলৰ বাবে ,
সময়ৰ বোঁৱতী ধাৰাই
উটুৱাই নিব ,
মই নথকাৰ বতৰা..

✍️স্বাতী জয়ছোৱাল



Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send