উৰুঙা মন~নমিতা মাৰাৰ

সময়বোৰ যে কেতিয়াবাই উৰিল
ধোঁৱাৰ লগত মেঘৰ  সহোদৰ হৈ,
বিবৰ্ণ,কাঠমুৱা এটি চিত্ পখিলাৰ শাহ এৰি গ'ল..
দি গ'ল চিৰালফটা আমঠুৰ ৰক্তহীন উত্তাপ |
আজি যে সেই ক্ষণ অতীত,
শেলুৱৈ ধৰা বিজয় তলোৱাৰ|
এমোন ধান আৰু এজাপ চিঠি!
ধান বনাই শুকোৱাই থৈছো..
চিঠি জাপ প্রত্যেক নিশা
ফোপোলা আকাশখনক সাক্ষী কৰি আলেঙে আলেঙে চাঁও,
জোনোচা উন্মাদ বুকুৰ বিষ কম হয়|
চলাও ব্যৰ্থ প্রচেষ্টা স্থিৰ হোৱাৰ!
অহেতুক অধ্যায়ৰ বৰ্ণহীন তুষাৰ,
আৰু এক দীঘল হুমুনিয়াহ..|

🖋️নমিতা মাৰাৰ
মাদুৰী বাগান

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send