নঙলা খুলি
সোমাই আহিল
মোৰ চোতাললৈ
গৌৰবোজ্বল এচমকা পোহৰ
শব্দৰ বৰষুণত
জীপাল হোৱা
স্বৰ্গৰ বতৰা দিয়া
দূবৰিয়ে কয় ---
মই যে চোতালত গজা
দুভৰিৰ গছকত মৰা
সেউজ দলিচা |
তেওঁ চাই যায়
তুমি চুই চোৱা
ভূল ভাগিলেহে গম পাওঁ
মৰম কণিকা নহয় সেয়া
মই যে সৰু বন বনৰীয়া |
মোহনীয়া অনুপমা দ্বীপত
পোহৰত উদ্ভাষি উঠা
চোতালৰ জোনাকি মেলত
পঢ়িম আকৌ
আমাৰ হেপাহৰ
বুঢ়ী আইৰ সাধু ||
🖋️হেমেন হাজৰিকা
মিৰ্জা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ