গোপন প্ৰেমৰ অব্যক্ত কথাৰে~মনচুমী কলিতা নাথ

©Admin
0
কেনেবাকৈ কোনোবাই গম যদি পায় 
আমাৰ গোপন প্ৰেমৰ কথা, 
কি হ'ব কোৱা 
কাকো টো কোৱা নাযায় 
এই প্ৰেম ভালপোৱাৰ কথা ,
প্ৰেম কিয় বাৰু উৰণীয়া মেঘ এচটা ।
মেঘে যদি কৈ দিয়ে
উতলা ফাগুনৰ চঞ্চলা বতাহীক 
বতাহে কৈ যাব কাণে কাণে 
 সকলো কথা গছক 
গছৰ পাতে কয় যদি বোৱতী নদীক 
নদীয়ে নিশা অকলে পাই 
মনে মনে কয় যদি গাভৰু জোনক 
পুৱতি নিশা 
জোনে কৈ যাব ৰাতি ফুলা ফুলক 
ইছ্ ফুলে ফুলে গম পালে কি যে হ'ব 
সুবাসতে কথাবোৰ বিয়পি পৰিব।
আমাৰ প্ৰেমৰ কথা পৃথিৱীয়ে জানিব ।
কিনো কৰিবা ,ক'ত লুকুৱাবা ,
নাজানা জানো কথা বুলিলেই বতাহ
মাঘ গ'ল ,ফাগুন আহিল 
চ'তৰ শেষত পাবহি বহাগ 
সোনকালে কিবা এটা কৰা ভাল, 
তুমি জানো দেখা নাই 
লাজতে ৰঙা পৰা 
মোৰ গোলাপী গাল ।।

🖋️মনচুমী কলিতা নাথ 
যোৰহাট

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)