অচিনাকী সপোন-আজিজুৰ ৰহমান

মাজৰাতি এটা সপোন দেখিলোঁ

অচিনাকি মানুহজনী আহিল,

চকী এখন পাৰি লৈ বহিল।

গল্প কৰিলে মোৰ লগত

প্ৰেমৰ গল্প

বিৰহৰ গল্প

বেদনাৰ গল্প

জীৱনৰ গল্প

অভিমানৰ গল্প।

তেওঁ এফালৰ পৰা দি গ'ল

হৃদয়ৰ বিৱৰণ,

বোধহয় মানুহজনীয়ে লৈ আহিছিল

এক অশান্ত মন।

জনালে বহু আৰ্তনাদ

কৈ গ'ল বহু অনুভৱ।

সম্ভৱতঃ মানুহ জনী আছিল

ধৰ্ষিতা,পতিতা,লাঞ্চিতা

নতুবা হেৰাইছিল তেওঁৰ

জীৱন বাটৰ উৰ্বৰতা।

✍️আজিজুৰ ৰহমান