সেন্দুৰ-অনিতা গগৈ

©Admin
0
সেন্দুৰ বিবাহিতা হিন্দু নাৰীৰ
 শিৰত জিলিকা 
এবিধ অলঙ্কাৰ ৷
পৰম্পৰাগত ভাৱে চলি অহা 
এক ধৰ্মীয় প্ৰথা ৷

পুৰুষে সেন্দুৰক সন্মান কৰিব লাগিব 
তেতিয়াহে সেন্দুৰৰ মূল্য থাকিব ৷
যিগৰাকী পত্নীয়ে শ্ৰদ্ধা ভক্তিৰে সেন্দুৰ নামৰ অলঙ্কাৰ শিৰত পিন্ধিব ৷
 তেওঁৰ পতিয়ে কোনোদিন তেওঁক 
 গোলাম বুলি ভাবিব নালাগিব
 যিজন পতিৰ বাবে পত্নীয়ে শিৰত সেন্দুৰ লয় 
 সেইজন পতিয়ে পত্নীক মান , সন্মান ,
 মৰ্যাদা ,মৰম ,বিশ্বাস দিব 
 পাৰিলেহে সেন্দুৰৰ মূল্য থাকিব ৷

 নিজ পত্নী থাকোতে 
 পৰকীয়া প্ৰেমত মছগুল হৈ থকা পতি নামত 
 সেন্দুৰ ল'লে সেই সেন্দুৰক 
 পতিয়ে অপমান কৰাহে বুজাব ৷

 বিবাহিতা নাৰীৰ চিন সেন্দুৰ 
 এজন পুৰুষে নামত বিয়া পাতি
যদিহে এশজনী উপ পত্নী ৰাখে 
 তেন্তে সেন্দুৰৰ মৰ্য্যাদা ক’ত থাকিব ৷
 
যেতিয়া বিবাহিতা নাৰী এগৰাকী ধৰ্ষিতা হয় ৷
 যেতিয়া কাষৰ ঘৰত মদাহী পতিয়ে 
 পত্নীক গৰু পিটন দিয়ে তেতিয়া
 সেন্দুৰৰ মৰ্য্যাদা দিবলৈ 
 কোনো ওলাই নাহে কিয় ?

 কাজিয়া লাগি যেতিয়া পতিয়ে পত্নীৰ 
 শিৰৰ সেন্দুৰ মচি পিছতে ভাল হৈ 
শিৰলৈ দৃষ্টি দি কয়
 ইমান জেদী মাইকী মানুহ ৷
তেতিয়া সেন্দুৰৰ মৰ্য্যাদা ক’ত থাকে ৷

সেন্দুৰ বিবাহিত নাৰীৰ পবিত্ৰ অলংকাৰ 
সকলো নাৰীয়ে জানে ইয়াৰ মৰ্য্যাদা দিব ৷
বৈবাহিক জীৱনৰ বিচ্ছেদ হোৱা সংসাৰ
সেন্দুৰে জোৰা লগাব নোৱাৰে 

আৰু সেন্দুৰ নল'লেই যে 
বিবাহ বিচ্ছেদ হ'ব তাৰ কোনো অৰ্থ নাই ৷
এখন সংসাৰ টিকি থাকিবলৈ 
মনৰ মিলৰ প্ৰয়োজন ,বুজাবুজিৰ প্ৰয়োজন ৷
এৰাধৰা মাজেৰে চলাৰ প্ৰয়োজন ৷
শেষত কওঁ 
সেন্দুৰ সকলোৰে বাবে অলঙ্কাৰ হওঁক 
শিকলি নহয় ৷৷৷

✍️অনিতা গগৈ ৷
নগাঁও, জুৰিয়া 


Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)