সেতু বন্ধনে
সীতা উদ্ধাৰ |
মইও দলিয়াইছোঁ শিল
শিলো নুপঙিল
প্ৰতিমাৰো জানো কি হ'ল |
সূৰুয উঠা পৰৰে পৰা
বিলৰ পাৰত বহি
শিলবোৰ পানীকে খুৱালো
অৰুণিমাৰ খোপাৰ
আবেলি আবেলি গোন্ধে
বালি ঘৰলৈ আমন্ত্ৰণ দিলে |
সমুদ্ৰৰ সলিল ৰাশি
ধুমুহাত কঁপেনে ৰাতি |
ওপঙা শিলৰ সাঁকো
ভাবি ভাবি
আজি কঁপি উঠো ৰাতি
কিহৰ বেদনাত
অৰুণিমাক আজিও
নাপালো বিছাৰি ||
✍🏻হেমেন হাজৰিকা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ