প্ৰেমৰ ফাগুন -মনচুমী কলিতা নাথ

গোপনে গোপনে মোৰ পদূলিত 
কিয়নো আছহি ৰৈ, 
কাবৌ কৈ মাতিছোঁ প্ৰেমিক ফাগুন 
আহ চোন মোৰ কাষলৈ ।
পছোৱাৰে চুলি আউল লগাই 
বুকুৰ আঁচল নিবি উৰুৱাই ,
ৰিঙা ৰিঙা মন ৰঙেৰে ৰঙাই 
দিবিহিনে হিয়া প্ৰেমেৰে বোলাই ?
ৰিমঝিম বৰষুণক নূপুৰ পিন্ধাই  
শুকান বনত সেউজ বোলাই, 
কপৌ কেতেকী ফুলক দে হি জগাই
বসন্তৰ বতৰা আন কঢ়িয়াই ।
তোৰ বাবেই মই আছো যে ৰৈ 
ৰিক্ত হিয়াৰ দুৱাৰ খুলি লৈ , 
পলাশ ৰঙীণ প্ৰেমৰ ফাগুন 
আহ চোন তই মোৰ কাষলৈ ।।

✍️মনচুমী কলিতা নাথ 

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send