পথৰুঘাটে ৰিঙিয়াই~ৰুনু দেবী শর্মা

হেৰাই যাব ধৰা কলিজাৰ

ধপধপনিবোৰে নাঙলৰ শীৰলুত

ৰৈ যোৱা আত্মাবোৰে ৰিঙিয়াই মাতে

পথৰুঘাটত সোণগুটি বিচৰা 

 বাপুকণহঁতে,

শত-শত শ্বহীদৰ কেচা তেজবোৰে

জীয়া আত্মাবোৰক চিঞঁৰি চিঞঁৰি কয়

আমাৰ কলিজাত তোমালোকৰ 

নাম লিখা আছে, হে কৃষকগণ!

তোমালোকে নাতিদূৰৈৰ পৰাই 

আমাক মাতি যাব নাপাহৰিবা

সেই জীয়া সপোনবোৰত তেজৰ দাগ

  গোট খাই  চিৰলা-চিৰিল দিছে

তোমাক মাতিছো এই গহ্বৰৰ পৰা

 আমাক মুক্ত কৰি দিয়া, 

অহৰ্নিশে মাতে সেই তেজৰ 

 চেকুৰাবোৰে, 

হায়! দোষ কি সিহঁতৰ খাটি খোৱা

  কৃষকৰ,হায়!পথৰুঘাট

  ক'ত গ'ল জীৱন- যৌৱন

কিয় হ'লো মই পথহাৰা!!

     ◾ ৰুনু দেবী শর্মা,গুৱাহাটী